திருச்சியில் மரத்திலிருந்து தவறி விழுந்த ஓய்வுபெற்ற மாநகராட்சி இன்ஜினியர் உயிரிழப்பு…!

திருச்சி, அரியமங்கலம் காமராஜர் நகர் பகுதியை சேர்ந்தவர் ஆல்பர்ட் (வயது61). ஓய்வு பெற்ற மாநகராட்சி இளநிலை பொறியாளர். இவர் அவரது வீட்டில் உள்ள முருங்கை மரத்தில் காய் பறிப்பதற்காக ஏறி உள்ளார்.  அப்போது எதிர்பாராத விதமாக மரத்திலிருந்து தவறி கீழே விழுந்தார். இதில், அவருக்கு தலையில் பலத்த காயம் ஏற்பட்டது. வீட்டில் உள்ளவர்கள் அவரை மீட்டு தனியார் மருத்துவமனையில் சிகிச்சைக்காக சேர்த்தனர்.  அங்கு டாக்டர்கள் தீவிர சிகிச்சை அளித்தும் சிகிச்சை பலனின்றி ஆல்பர்ட் பரிதாபமாக உயிரிழந்தார். இதுகுறித்து அவரது மகன் அல்போன்ஸ் எட்வின் அளித்த புகாரின்பேரில், அரியமங்கலம் போலீசார்  வழக்கு பதிவு செய்து விசாரணை நடத்தி வருகின்றனர்.