முன்னாள் அமைச்சர் அன்பில் தர்மலிங்கம் நினைவு நாள்: சிலைக்கு மாலை அணிவித்து அமைச்சர் மகேஷ் பொய்யாமொழி மரியாதை…!

திமுகவை வளர்த்தவர்களில் ஒருவரும், கழக மூத்த முன்னோடியும், முன்னாள் அமைச்சரும்,  ஒருங்கிணைந்த திருச்சி மாவட்டத்தின் செயலாளராக இருந்த மறைந்த புரவலர் அன்பில் தர்மலிங்கத்தின் 31ம் ஆண்டு நினைவு நாள் இன்று(05-03-2024) அனுசரிக்கப்பட்டது.

திருச்சி கலைஞர் அறிவாலயம் அருகில் உள்ள அன்பில் தர்மலிங்கம் சிலைக்கு பள்ளி கல்வித்துறை அமைச்சரும், திருச்சி தெற்கு மாவட்ட கழக செயலாளருமான அன்பில் மகேஸ் பொய்யாமொழி மற்றும் தெற்கு மாவட்ட கழக நிர்வாகிகள் மாலை அணிவித்து மரியாதை செலுத்தினர். நிகழ்வில், முன்னாள் சட்டமன்ற உறுப்பினர் அன்பில் பெரியசாமி, கிழக்கு மாநகர செயலாளர் மதிவாணன், தலைமை செயற்குழு உறுப்பினர் வண்ணை அரங்கநாதன், கே.என்.சேகரன், சபியுல்லா, கோவிந்தராஜன், குணசேகரன், மாமன்ற உறுப்பினர் செந்தில், மாவட்டத் துணைச் செயலாளர்கள் செங்குட்டுவன், மூக்கன், லீலாவேலு, பகுதி கழகச் செயலாளர்கள் நீலமேகம், தர்மராஜ், மோகன், விஜயகுமார், ராஜ்முஹம்மது, மணிவேல், பாபு, சிவக்குமார் மற்றும்  மாநில, மாவட்ட, மாநகர, பகுதி, ஒன்றிய, நகர, பேரூர், வட்ட, வார்டு, கிளை கழக செயலாளர்கள், நிர்வாகிகள் தலைமை செயற்குழு,  பொதுக்குழு உறுப்பினர்கள், மாவட்ட பிரதிநிதிகள், அணிகளின் அமைப்பாளர்கள், துணை அமைப்பாளர்கள், உள்ளாட்சி பிரதிநிதிகள் கலந்து கொண்டனர்.