திருச்சி அருகே கட்டுப்பாட்டை இழந்த கார் சாலையோர பள்ளத்தில் கவிழ்ந்தது- ஒருவர் உயிரிழப்பு, 2 பேர் படுகாயம்…!

சென்னை அசோக் நகர் பகுதியை சேர்ந்தவர் வெங்கடேசன். இவர் தனது உறவினர் குமார் என்பவருடன் காரில் நாமக்கல்லில் உள்ள உறவினர் வீட்டுக்கு சென்று கொண்டிருந்தார்.  காரை சென்னை புழல் பகுதியை சேர்ந்த சூர்யா என்பவர் ஓட்டினார்.  அந்த கார்  இன்று(30-09-2024) துறையூர் அருகே உள்ள கிழக்குவாடி பகுதியில் வந்த போது ஓட்டுனரின் கட்டுப்பாட்டை இழந்த கார் சாலையோர பள்ளத்தில் கவிழ்ந்து விபத்துக்குள்ளானது.  இதில், வெங்கடேசன் பலத்த காயமடைந்து சம்பவ இடத்திலேயே உயிரிழந்தார்.  குமார் மற்றும் சூர்யா ஆகியோர் பலத்த காயம் அடைந்தனர்.  விபத்தை கண்டதும் அந்த வழியாக சென்றவர்கள் இது குறித்து போலீசாருக்கு தகவல் தெரிவித்தனர்.  அதன்பேரில், துறையூர் போலீசார் சம்பவ இடத்திற்கு விரைந்து வந்து காயம் அடைந்த 2 பேரையும் மீட்டு 108 ஆம்புலன்ஸ் மூலம் துறையூர் அரசு மருத்துவமனைக்கு சிகிச்சைக்காக அனுப்பி வைத்தனர்.  உயிரிழந்த வெங்கடேசனின் உடல் பிரேத பரிசோதனைக்காக அனுப்பி வைக்கப்பட்டது.  இந்த விபத்து குறித்து துறையூர் போலீசார் வழக்கு பதிந்து விசாரணை நடத்தி வருகின்றனர்.