எம்.எல்.ஏ.க்கள் தொகுதி மேம்பாட்டு நிதி ரூ.3 கோடியையும் திட்டங்களுக்கு செலவிடலாம்- சட்டப்பேரவையில் அமைச்சர் துரைமுருகன்…!

தமிழக சட்டப்பேரவை கூட்டத்தொடர் நடந்து வருகிறது. பேரவையில் இன்று (26-06-2024) அமைச்சர் துரைமுருகன் பேசுகையில், இதற்கு முன்பு தொகுதி மேம்பாட்டு நிதி ரூ.3 கோடியில் ரூ. 2 கோடியை மட்டுமே எம்.எல்.ஏ.க்கள் செலவிட அனுமதி இருந்தது. மீதமுள்ள ரூ.1 கோடியை அரசு பரிந்துரைக்கும் திட்டத்திற்கு எம்.எல்.ஏ -க்கள் செலவிட வேண்டியிருந்தது. இனி ரூ.3 கோடி தொகுதி வளர்ச்சி நிதியையும் எம்.எல்.ஏ- க்கள் நேரடியாக திட்டங்களுக்கு செலவிடலாம். முன்னாள் எம்எல்ஏக்கள் உடல்நலத்திற்கு பணம் தேவை படுகிறது என்று தெரிவித்திருக்கிறேன். முதல்வர் அது குறித்து பேசிவிட்டு தெரிவித்திருப்பதாக கூறியிருக்கிறார். சட்டமன்ற உறுப்பினர்கள் திட்டத்தை செயல்படுத்துவதற்கான ஜி.எஸ்.டியையும் நீக்க முதலமைச்சர் ஒப்புதல் அளித்திருப்பதாகவும் துரைமுருகன் தெரிவித்தார்.