திருச்சியில் அமைய உள்ள கலைஞர் நூலகத்திற்கான இடத்தை அமைச்சர் உதயநிதி ஸ்டாலின் பார்வையிட்டு ஆய்வு…!

அரசு முறை பயணமாக அமைச்சர் உதயநிதி ஸ்டாலின் இன்று(31-07-2024) மதியம் விமானம் மூலம் சென்னையிலிருந்து திருச்சி வந்தடைந்தார்.  அவர் இன்றும், நாளையும் திருச்சியில் பல்வேறு நிகழ்ச்சிகளில் கலந்து கொள்கிறார்.  திருச்சி வந்த அமைச்சர் உதயநிதி ஸ்டாலினுக்கு அமைச்சர்கள், எம்எல்ஏக்கள், கட்சி நிர்வாகிகள் உற்சாக வரவேற்பு அளித்தனர்.  பின்னர் அவர் கார் மூலமாக  கலைஞர் பெயரால் திருச்சி-மதுரை சாலையில் அமையவிருக்கும் பிரம்மாண்டமான அறிவு சார் புதிய நூலகத்திற்கு தேர்வு செய்யப்பட்ட இடத்தை பார்வையிட்டு ஆய்வு செய்தார்.  அப்போது அமைச்சர்கள்  கே.என்.நேரு,  அன்பில்  மகேஷ் பொய்யாமொழி, கலெக்டர் பிரதீப் குமார், மாநகராட்சி மேயர் மு.அன்பழகன் மற்றும் மண்டலம் மூன்றின் தலைவர்  மு.மதிவாணன், திருச்சி கிழக்கு சட்டமன்ற உறுப்பினர் இனிகோ இருதயராஜ், பொது நூலக இயக்குநர் க.இளம்பகவத் மற்றும்  பொதுப்பணித்துறை, வருவாய்த்துறை, நூலகத்துறை அலுவலர்கள் உடனிருந்தனர்.