விமானத்தில் திருச்சி வந்த மலேசிய பயணி திடீர் மரணம்…!

மலேசியாவை சேர்ந்தவர் ராம அழகப்பா (வயது 77). இவர், கோலாலம்பூரில் இருந்து விமானம் மூலம் திருச்சிக்கு வந்தார். பின்னர் ஒரு காரில் காரைக்குடி புறப்பட்டார். புதுக்கோட்டை சாலையில் சென்ற போது அவருக்கு திடீர் உடல் நலக்குறைவு ஏற்பட்டது. உடனடியாக அவர் அருகில் உள்ள தனியார் மருத்துவமனைக்கு கொண்டு செல்லப்பட்டார். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதுகுறித்து கொட்டப்பட்டு கிராம நிர்வாக அலுவலர் கொடுத்த புகாரின் பேரில் போலீசார் வழக்கு பதிவு செய்து விசாரணை நடத்தி வருகின்றனர்.