ஸ்ரீவில்லிபுத்தூர் ஆண்டாள் கோவில் கருவறைக்குள் செல்ல முயன்ற இசையமைப்பாளர் இளையராஜா தடுத்து நிறுத்தம்…! (வீடியோ இணைப்பு)

ஸ்ரீவில்லிப் புத்தூரில் உள்ள புகழ்பெற்ற ஆண்டாள் கோவிலில் திவ்ய பாசுரம் இசைக் கச்சேரி நடைபெற்றது. இந்த கச்சேரியில் இசையமைப்பாளர் இளையராஜா பங்கேற்றார். அதன் பின்னர் கோவிலில் வழிபாடு நடத்தினார். அவருக்கு பூரண கும்ப மரியாதை அளிக்கப்பட்டது. அப்போது ஜீயர்கள் கருவறைக்குள் சென்றபோது, இளையராஜாவும் உள்ளே செல்ல முயன்றார். இதைக் கண்ட ஜீயர்களும், பட்டர்களும் இளையராஜாவை கருவறைக்குள் செல்ல மறுத்ததோடு அவரை தடுத்து நிறுத்தியுள்ளனர். இதனால், இளையராஜா வெளியே நின்றபடி வழிபாடு செய்தார். இந்த விவகாரம் தற்போது பேசும் பொருளாக மாறியுள்ளது. ஸ்ரீவில்லுபுத்தூர் ஆண்டாள் கோவிலின் கருவறைக்குள் இளையராஜா செல்ல அனுமதி மறுக்கப்பட்டது குறித்து பல்வேறு தரப்பினரும் தங்களது கருத்துக்களை பதிவிட்டு வருகின்றனர்.