திருச்சி மாவட்டத்தில் பொது விநியோகத் திட்ட குறைதீர்க்கும் நாள் கூட்டம்

பொது வினியோக திட்டத்தில் காணப்படும் குறை பாடுகளை களைவதற்கும், மக்களின் குறைகளை கேட்டு உடனுக்குடன் அவற்றை நிவர்த்தி செய்யவும், உணவுப்பொருள் வழங்கல் தொடர்பான பொதுமக்கள் குறைதீர் கூட்டம் மாதந்தோறும் 2-வது சனிக்கிழமை நடத்தி  உரிய நடவடிக்கை எடுத்திட அரசு உத்தரவிட்டுள்ளது. அதன்படி திருச்சி மாவட்டத்தில் நாளை (  10.06.2023 ) காலை 10 மணி முதல் பகல் 1 மணி வரை ரேஷன் கடைகளில் பொது வினியோகத்திட்ட குறைதீர்க்கும் நாள் கூட்டம் தனி தாசில்தார்கள் மற்றும் வட்ட வழங்கல் அலுவலர்கள் தலைமையில் கூட்டம் நடைபெறும்.
திருச்சி கிழக்கு வெற்றிலைப்பேட்டை-1 ரேஷன்கடை, திருச்சி மேற்கு-வண்ணாரப்பேட்டை, திருவெறும்பூர்-பாரதிதாசன்நகர், ஸ்ரீரங்கம்- தீரன்மாநகர், மணப்பாறை-சித்தாநத்தம், மருங்காபுரி- வையம்பட்டி, லால்குடி-பெருவளநல்லூர், மண்ணச்சநல்லூர்-சாலப்பட்டி, முசிறி- அய்யம்பாளையம், துறையூர்-அரப்புளிபட்டி, தொட்டியம் – காட்டுப்புத்தூர்-1 ஆகிய  கூட்டத்தில் பொதுமக்கள் கலந்து கொண்டு ரேஷன் கார்டில் பெயர் சேர்த்தல், நீக்கம் செய்தல், முகவரி மாற்றம், நகல் ரேஷன்கார்டு கோருதல் மற்றும் இதர கோரிக்கைகளை தெரிவித்து பயன், பெறலாம். இந்த தகவலை மாவட்ட ஆட்சியா்  மா. பிரதீப்குமார் ஐஏஎஸ் தெரிவித்துள்ளார்.