7, 8 தேதிகளில் நடைபெறவிருந்த “செட்” தேர்வு ஒத்தி வைப்பு…!

தமிழ்நாட்டில் உள்ள பல்கலைக்கழகங்கள் மற்றும் கல்லூரிகளில் உதவிப் பேராசிரியராக பணிபுரிய அரசு சார்பில் நெட், செட் ஆகிய தகுதித்தேர்வுகள் நடத்தப்படுகிறது.  தமிழகம் முழுவதும் உள்ள பல்கலைக்கழகங்கள் சுழற்சி அடிப்படையில் செட் தேர்வை நடத்தி வருகின்றன.  அதன்படி, 2024 முதல் அடுத்த 3 வருடங்களுக்கு செட் தகுதித்தேர்வை நடத்தும் பொறுப்பு நெல்லை மனோன்மணியம் சுந்தரனார் பல்கலைக்கழகத்திற்கு வழங்கப்பட்டுள்ளது. இந்த தேர்வுக்கு சுமார் ஒரு லட்சம் பேர் விண்ணப்பித்திருந்தனர்.  இந்தநிலையில்  இம்மாதம் 7, 8-ல் நடைபெறவிருந்த செட் தேர்வு தொழில்நுட்ப காரணங்களால் ஒத்திவைக்கப்பட்டுள்ளதாக பல்கலைக்கழகம் தெரிவித்துள்ளது.   ஒத்திவைக்கப்பட்ட செட் தேர்வு நடைபெறும் தேதி பின்னர் அறிவிக்கப்படும் என மனோன்மணியம் சுந்தரனார் பல்கலைக்கழகம் தெரிவித்துள்ளது.