சங்ககிரி அருகே ஆம்னி பேருந்து கவிழ்ந்து தீப்பற்றி எரிந்ததால் பரபரப்பு: அதிர்ஷ்டவசமாக உயிர் தப்பிய பயணிகள்…!

சேலம் மாவட்டம், சங்ககிரி அருகே கலியனூரில் கோவை-சேலம்  தேசிய நெடுஞ்சாலையில் தனியார் ஆம்னி பேருந்து ஒன்று இரு சக்கர வாகனத்தின் மீது மோதி தலைக்குப்புற கவிழ்ந்து விபத்துக்குள்ளானது.  பேருந்து கவிழ்ந்தவுடன் தீப்பிடித்து எரியத் தொடங்கியது. உடனே உள்ளே இருந்த 20-க்கும் மேற்பட்ட பயணிகள் அலறி அடித்துக் கொண்டு வெளியே ஓடிவந்து உயிர் தப்பினர். இதனால் பெரும் உயிர் சேதம் தவிர்க்கப்பட்டது. இந்நிலையில் இருசக்கர வாகனம் மீது பஸ் மோதியதில் பெரியசாமி (60) என்ற நபர் சம்பவ இடத்திலேயே உயிரிழந்ததாக தகவல் வெளியாகி உள்ளது. விபத்து குறித்து சங்ககிரி டிஎஸ்பி ராஜா தலைமையிலான போலீசார் விசாரணை மேற்கொண்டுள்ளனர். இதனிடையே தகவல் அறிந்து விரைந்து வந்த தீயணைப்பு வீரர்கள் தீயை முழுவதுமாக அணைத்தனர். இந்த விபத்து காரணமாக அந்த பகுதியில் பரபரப்பு ஏற்பட்டது.