திருச்சியில் போக்குவரத்து கழக ஊழியர்களுக்கு இலவச மருத்துவ முகாம்…!

முன்னாள் முதலமைச்சர் மறைந்த கருணாநிதியின் நூற்றாண்டு பிறந்த நாளைஒட்டி, திருச்சி டிவிஎஸ் டோல்கேட்டில் உள்ள அரசு போக்குவரத்து கழக பணிமனையில் போக்குவரத்து கழக ஊழியர்கள் மற்றும் அவர்களது குடும்பத்தினருக்கு இலவச மருத்துவ முகாம் நடைபெற்றது. முகாமை,
திருச்சி கிழக்கு சட்டமன்ற உறுப்பினர் இனிகோ இருதயராஜ் துவக்கி வைத்தார். முகாமில் கலந்து கொண்ட போக்குவரத்து கழக ஊழியர்கள் மற்றும் அவர்களது குடும்பத்தினரை அப்பல்லோ மருத்துவமனை மருத்துவக் குழுவினர் பரிசோதனை செய்து தகுந்த ஆலோசனை வழங்கினர். இதில் போக்குவரத்து கழக கோட்ட மேலாளர் முருகேசன், உதவி மேலாளர் மீனாட்சிசுந்தரம், கிளை மேலாளர் வெங்கடேசன் மற்றும் தி.மு.க. வட்டச் செயலாளர் நாகவேணி மாரிமுத்து மற்றும் கோவிந்தராஜ், மு.க.முகேஷ்குமார் உள்பட கட்சி நிர்வாகிகள் திரளாக கலந்து கொண்டனர்.