திருச்சி சிட்டி பகுதியில் வருகிற 23ம் தேதி குடிநீர் விநியோகம் ரத்து…!

திருச்சி மாநகராட்சி பகுதிகளில் வருகிற 23.09.2026 ஒருநாள் மட்டும் குடிநீர் விநியோகம் இருக்காது என்று அறிவிக்கப்பட்டுள்ளது. இதுதொடர்பாக மாநகராட்சி ஆணையர் நே.பொன்மணி வெளியிட்டுள்ள ஒரு செய்தி குறிப்பில் கூறப்பட்டு இருப்பதாவது:-

திருச்சிராப்பள்ளி மாநகராட்சிக்குட்பட்ட கம்பரசம்பேட்டை தலைமை நீர்ப்பணி நிலையம், டர்பன் நீரேற்று நிலையம், பெரியார் நகர் கலெக்டர் வெல் நீரேற்று நிலையம்-1 வெல்-3 மற்றும் கலெக்டர் வெல் நீரேற்று நிலையம் – 2 ஆகிய நீரேற்று நிலையங்களுக்கு கம்பரசம்பேட்டை துணை மின் நிலையத்திலிருந்து மின் சப்ளை வழங்கப்பட்டு வருகிறது. இந்த துணை மின் நிலையத்தில் 22.09.2026 அன்று காலை 9 மணி முதல் மாலை 2 மணி பராமரிப்பு பணிகள் மேற்கொள்ளப்பட உள்ளது. இதன் காரணமாக கம்பரசம்பேட்டை தலைமை நீர்ப்பணி நிலையம், டர்பன் நீரேற்று நிலையம், பெரியார் நகர் கலெக்டர் வெல் நீரேற்று நிலையம் கலெக்டர் வெல் நீரேற்று நிலையம் ஆகிய நீரேற்று நிலையத்திலிருந்து விறகுப்பேட்டை, மரக்கடை, மலைக்கோட்டை, சிந்தாமணி, உறையூர், பாத்திமா நகர், புத்தூர், மங்களம் நகர், செல்வா நகர், பாரதி நகர், சிவா நகர், ஆனந்தம் நகர், ரெயின்போ நகர், தில்லைநகர், அண்ணா நகர், கண்டோன்மென்ட், காஜாபேட்டை, ஜங்க்ஷன், கருமண்டபம், ராமலிங்க நகர், உய்யகொண்டான் திருமலை, விஸ்வாஸ் நகர், மிளகுபாறை, கல்லாங்காடு, சொசைட்டி காலனி எம்.எம் நகர் மற்றும் திருவெறும்பூர், வள்ளுவர் நகர், எல்லக்குடி ஆலத்தூர், புகழ் நகர், காவேரி நகர், பாரி நகர், சந்தோஷ் நகர், கணேஷ் நகர், விவேகானந்தர் நகர், அம்பேத்கர் நகர் ஆகிய மேல்நிலை நீர்தேக்க தொட்டிகளுக்கு வழங்கப்படும் குடிநீர் விநியோகம் 23.09.2026 ஒருநாள் இருக்காது. அதற்கு அடுத்த நாள் 24ம் தேதி வழக்கம் போல் குடிநீர் விநியோகம் செய்யப்படும். பொதுமக்கள் குடிநீரை சிக்கனமாக பயன்படுத்துமாறு அதில் அவர் கேட்டுக் கொண்டுள்ளார்.