மத்திய தொழில் பாதுகாப்பு படை மற்றும் ஐஐடி கான்பூர் இடையே சைபர் பாதுகாப்பு தொழில்நுட்ப புரிந்துணர்வு பயிற்சி ஒப்பந்தம்…!

ஐஐடி கான்பூரில் உள்ள இணையப் பாதுகாப்புத் தொழில்நுட்பப் புத்தாக்க மையமான சி3ஐஹப் (C3iHub) மற்றும் மத்திய தொழில்துறைப் பாதுகாப்புப் படை (CISF) ஆகியவை இணைந்து சிஐஎஸ்எஃப் பணியாளர்களுக்கான ஆறு வார கால தங்கும் வசதியுடன் கூடிய இணையப் பாதுகாப்புப் பயிற்சித் திட்டத்திற்காக புரிந்துணர்வு ஒப்பந்தத்தில் கையெழுத்திட்டுள்ளன. செப்டம்பர் 15-ம் தேதி அன்று கையெழுத்திடப்பட்ட இந்த இரண்டு புரிந்துணர்வு ஒப்பந்தங்களும், ஐஐடி கான்பூரின் சி3ஐஹப் மூலம் ஆறு வார சைபர் பாதுகாப்புப் பயிற்சித் திட்டத்தையும், ராஜஸ்தான், பெஹ்ரோரில் உள்ள CISF MPRTC-யில் ட்ரோன் மற்றும் ட்ரோன் எதிர்ப்புத் தொழில்நுட்பத்தில் ஒரு சிறப்பு மையத்தை நிறுவி மேம்படுத்துவதற்கான ஒத்துழைப்பையும் வழங்குகின்றன. வேகமாக மாறிவரும் இணைய அச்சுறுத்தல் சூழலுக்குப் பதிலளிக்கும் வகையில், சிஐஎஸ்எஃப் பணியாளர்களின் தொழில்நுட்ப அறிவு, செயல்பாட்டுத் தயார்நிலை மற்றும் இணையப் பாதுகாப்புத் திறன்களை மேம்படுத்துவதே இந்தக் கூட்டு முயற்சியின் நோக்கமாகும். இந்தப் பயிற்சி இலவசமாக வழங்கப்படும் என்றும், ஒவ்வொரு குழுவிலும் 40 சிஐஎஸ்எஃப் பணியாளர்கள் பங்கேற்பார்கள் என்றும் தெரிவிக்கப்பட்டுள்ளது. இந்த சைபர் பாதுகாப்பு புரிந்துணர்வு ஒப்பந்தம், விமான நிலையப் பிரிவு-1-க்கான சிஐஎஸ்எஃப் ஐஜி செந்தில் அவூதாய் கிருஷ்ண ராஜ் ஐபிஎஸ் மற்றும் C3iHub-இன் தலைமைச் செயல் அதிகாரி டாக்டர் தனிமா ஹஜ்ரா ஆகியோரால், திட்ட இயக்குநர் பேராசிரியர் சுரேந்தர் பஸ்வானா, தலைமைத் தொழில்நுட்ப அதிகாரி டாக்டர் ராஸ் திவேதி, தலைமைப் பாதுகாப்பு அதிகாரி டாக்டர் ஆனந்த் ஹண்டா மற்றும் தலைமை நிதி அதிகாரி அஜய குமார் மிஸ்ரா ஆகியோர் முன்னிலையில் கையெழுத்திடப்பட்டது. ட்ரோன் மற்றும் ட்ரோன் எதிர்ப்பு புரிந்துணர்வு ஒப்பந்தம், பெஹ்ரோரைச் சேர்ந்த CISF MPRTC ஐஜி டாக்டர் சி. தனஞ்சய நாயக் மற்றும் ஐஐடி கான்பூரின் ஆராய்ச்சி மற்றும் மேம்பாட்டுத் துறைத் தலைவர் பேராசிரியர் ஜெயந்திரன் ஜி. ராவ் ஆகியோருக்கு இடையே செந்தில் அவூதாய் கிருஷ்ண ராஜ் AIG/NCR மண்டலம் (ட்ரோன் மற்றும் ட்ரோன் எதிர்ப்புத் துறைத் தலைவர்) சவிதோஜ் சிங் கில் மற்றும் ஐஐடி கான்பூரின் விண்வெளிப் பொறியியல் துறைப் பேராசிரியர் நவ்ரோஸ்  ஆகியோர் முன்னிலையில் கையெழுத்தானது.