துவரங்குறிச்சி அருகே 10 அடி பள்ளத்தில் விபத்துக்குள்ளான அரசு பேருந்து !

20 பேருக்கு லேசான காயம்!  திருச்சி மாவட்டம் துவரங்குறிச்சி டெப்போவில் இருந்து தினமும் துவரங்குறிச்சி டு கோட்டையூர் செல்வது வழக்கம். அதன்படி, இன்று வழக்கம் போல் கோட்டையூரிலிருந்து தெத்தூர், ஆலம்பட்டி, மருதம்பட்டி, அதிகாரம், வழியாக பள்ளி கல்லூரி மாணவ மாணவிகளை ஏற்றுக்கொண்டு துவரங்குறிச்சி வந்து கொண்டிருந்தது. இப்ப பேருந்தில் மாணவ மாணவிகள் உட்பட 50-க்கும் மேற்பட்டோர் பயணம் செய்தனர். இந்நிலையில், திருச்சி – மதுரை தேசிய நெடுஞ்சாலையில் துவரங்குறிச்சி பிரிவு சாலை அருகே பேருந்தை திருப்ப முயன்ற போது பேருந்து ஓட்டுனரின் கட்டுப்பாட்டை இழந்து சாலையின் நடுவே இருந்த தடுப்பு சுவர் மீது ஏறி அருகில் இருந்த பத்தடி பள்ளத்தில் இறங்கியது.இவ்விபத்தில் பஸ்ஸில் இருந்த சுமார் 20 பயணிகளுக்கு காயம் ஏற்பட்டது. அருகில் இருந்தவர்கள் உடனடியாக பேருந்தில் சிக்கியவர்களை மீட்டு துவரங்குறிச்சி அரசு மருத்துவமனையில் முதலுதவி சிகிச்சைக்காக அனுமதித்தினர்.இச்சம்பவம் பற்றி தகவல் இந்த துவரங்குறிச்சி போலீசார் சம்பவ இடத்துக்கு சென்று விசாரணை மேற்கொண்டனர்.