எஃப்ஐஆர் போடாமல் இருக்க ரூ.3000 வாங்கிய திருச்சி போலீஸ்காரர் “சஸ்பெண்ட்”- * திருச்சி சிட்டி கமிஷனர் காமினி நடவடிக்கை

திருச்சி சிட்டி கோட்டை காவல் நிலையத்தில் போலீஸ்காரராக பணிபுரிபவர் அப்துல் காதர். இவர் அப்பகுதியில் ரோந்து பணியில் ஈடுபட்ட போது கீழப்புலி வார்ரோடு பகுதியில் 3 பேர் பொது இடத்தில் அமர்ந்து மது அருந்தியதாக கூறப்படுகிறது. அவர்களைப் பிடித்து வழக்கு போடுவதாக கூறிவிட்டு மூன்று பேரில் ஒருவரை மட்டும் தனது இரு சக்கர வாகனத்தில் ஏற்றிக்கொண்டு அண்ணாசிலை பகுதிக்கு சென்றுள்ளார். அப்போது வழக்கு போட்டால் நிறைய செலவாகும் என்று கூறி அவரை மிரட்டி 3000 ரூபாய் பெற்றுக் கொண்டு அந்த நபரை அப்துல்காதர் அனுப்பி விட்டதாக கூறப்படுகிறது. பாதிக்கப்பட்ட அந்த நபர் இந்தச் சம்பவம் குறித்து திருச்சி கோட்டை போலீசில் புகார் அளித்தார். புகாரின்பேரில் போலீஸ் அதிகாரிகள் உரிய விசாரணை நடத்தி இந்த புகாரை மாநகர போலீஸ் கமிஷனரின் கவனத்திற்கு கொண்டு சென்றனர். இதை விசாரித்த போலீஸ் கமிஷனர் காமினி, போலீஸ்காரர் அப்துல் காதரை பணியிடை நீக்கம் (சஸ்பெண்ட்) செய்து உத்தரவிட்டார்.