திருச்சி மத்திய மண்டலத்தில் 32 காவல் ஆய்வாளர்கள் பணியிடமாற்றம்…!

திருச்சி மத்திய மண்டலத்தில் 32 காவல் ஆய்வாளர்கள் பணியிடமாற்றம் செய்யப்பட்டுள்ளனர். கரூர் டவுன் காவல் நிலையத்தில் பணியாற்றிய ஜி.மணிவண்ணன் மாயனூர் காவல் நிலையத்திற்கும், திருச்சி துவாக்குடி காவல் நிலையத்தில் பணியாற்றிய கே. ஈஸ்வரன் கரூர் டவுன் காவல் நிலையத்திற்கும், புதுக்கோட்டை மாவட்டம் ஆலங்குடி காவல் நிலையத்தில் பணியாற்றிய எஸ்.பாலகிருத்திகா கரூர் அமலாக்க பிரிவுக்கும், கரூர் அமலாக்க பிரிவு ரசியாசுரேஷ் பெரம்பலூர் குற்ற பதிவேடு ஆவண காப்பக பிரிவிற்கும், புதுக்கோட்டை மாவட்டம் அறந்தாங்கி அனைத்து மகளிர் காவல் நிலைய ஜி.கார்த்திக்பிரியா புதுக்கோட்டை சைபர் கிரைம் பிரிவிற்கும், புதுக்கோட்டை மாவட்டம் சைபர் கிரைம் எஸ்.சாந்தகுமாரி அறந்தாங்கி அனைத்து மகளிர் காவல் நிலையத்திற்கும், அரியலூர் மாவட்டம் குவாகம் காவல்நிலைய ஜே.மணிவண்ணன் திருச்சி துவாக்குடி காவல் நிலையத்திற்கும், ரேஞ்சு விஆர் எம். செந்தூர் பாண்டியன் அறந்தாங்கி காவல் நிலையத்துக்கும், ரேஞ்சு விஆர் என்.சேரன் திருச்சி மாவட்டம் குற்ற பதிவேடு ஆவண காப்பக பிரிவிற்கும், திருச்சி சைபர் கிரைம் காவல் நிலைய எஸ்.பால்ராஜ் திருச்சி மாவட்டம் வையம்பட்டி காவல் நிலையத்துக்கும் காவல் ஆய்வாளர்களாக பணியிட மாற்றம் செய்யப்பட்டுள்ளனர்.

இதேபோல புதுக்கோட்டை மாவட்டம் அறந்தாங்கி காவல் நிலையத்தில் பணியாற்றிய எஸ்.கருணாகரன் திருச்சி சைபர் கிரைம் காவல் நிலையத்துக்கும், லால்குடி காவல் நிலைய டி.முத்தையன் துறையூர் காவல் நிலையத்திற்கும், துறையூர் காவல் நிலைய எஸ்.செந்தில்குமார் மண்ணச்சநல்லூர் காவல் நிலையத்திற்கும், ரேஞ்சு விஆர் டி.கவிதா மணப்பாறை அனைத்து மகளிர் காவல் நிலையத்திற்கும், அங்கிருந்த எஸ்.ஜெயா லால்குடி அனைத்து மகளிர் காவல் நிலையத்திற்கும், அங்கிருந்த வி.அழகம்மை புதுக்கோட்டை மாவட்டம் கோட்டைபட்டினம் அனைத்து மகளிர் காவல் நிலையத்திற்கும், சோமரசம்பேட்டை காவல்நிலைய எம்.ஆர்.முகமது ஜாபர் ராம்ஜிநகர் காவல் நிலையத்துக்கும், மண்ணச்சநல்லூர் காவல்நிலைய சி. ரகுராமன் மணப்பாறை காவல் நிலையத்திற்கும், தற்போதைய விஆர் ஜி.குணசேகரன் லால்குடி காவல் நிலையத்துக்கும், துவரங்குறிச்சி காவல்நிலைய பி.சண்முகசுந்தரம் ஜீயபுரம்-1 காவல்நிலையத்துக்கு பணியிடம் மாற்றம் செய்யப்பட்டுள்ளனர்.

மேலும் புதுக்கோட்டை குற்ற பதிவேடு ஆவண காப்பக ஆர்.விஜய் கோல்டன் சிங் துவரங்குறிச்சி காவல் நிலையத்திற்கும், ஜீயபுரம்-1 காவல்நிலைய சி .செந்தில்குமார் அரியலூர் ஊழல் தடுப்பு பிரிவிற்கும், ராம்ஜிநகர் காவல்நிலைய வி.வீரமணி ரேஞ்ச் விஆர் பிரிவிற்கும், ஜெயம்கொண்டம் காவல்நிலைய எஸ்.ராஜா நவல்பட்டு காவல் நிலையத்திற்கும், உடையார்பாளையம் காவல்நிலைய எஸ். விஜயலட்சுமி ஜெயம்கொண்டம் அனைத்து மகளிர் காவல் நிலையத்திற்கும், பெரம்பலூர் குற்ற பதிவேடு ஆவண காப்பக ஆர். ஹேமலதா புதுக்கோட்டை குற்றப்பிரிவு கண்டறிதல் பிரிவிற்கும், அரியலூர் சைபர் கிரைம் காவல் நிலைய எம்.கவிதா உடையார்பாளையம் காவல் நிலையத்திற்கும், அரியலூர் குற்ற பதிவேடு ஆவண காப்பக ஜி.ராஜேந்திரன் ஜெயம்கொண்டம் காவல் நிலையத்துக்கும், புதுக்கோட்டை டவுன் காவல்நிலைய கே.மருது திருமயம் காவல் நிலையத்திற்கும், ஜீயபுரம்-2 காவல் நிலைய உ.ராஜேஷ் புதுக்கோட்டை காவல் நிலையத்திற்கும், கரூர் சைபர் கிரைம் காவல்நிலைய சி.இசைவாணி ஜீயபுரம்-2 காவல் நிலையத்திற்கும், புதுக்கோட்டை மாவட்டம் பண்ணையப்பட்டி காவல்நிலைய எஸ்.சிவசுப்பிரமணியன் ஆலங்குடி காவல்நிலையத்துக்கும் பணியிடம் மாற்றம் செய்யப்பட்டுள்ளனர். இதற்கான உத்தரவை திருச்சி சரக டிஐஜி வருண்குமார் பிறப்பித்துள்ளார்.