வீட்டின் பின்புறம் சாராயம் காய்ச்சிய 2 பேர் கைது …

திருச்சி மாவட்டம் தொட்டியம் அழகு நாச்சியம்மன் கோவில் தெருவில் உள்ள ஒருவரின் வீட்டின் பின்புறம் சாராயம் காய்ச்சப்படுவதாக போலீசாருக்கு ரகசிய தகவல் கிடைத்தது. அதன்பேரில் தொட்டியம் போலீஸ் சப்-இன்ஸ்பெக்டர் குமரேசன் மற்றும் போலீசார் சம்பவ இடத்துக்கு சென்று சோதனை மேற்கொண்டனர். அப்போது அங்கு சாராயம் காய்ச்சுவது கண்டறியப்பட்டது. அங்கு வைக்கப்பட்டிருந்த 3 லிட்டர் எரிசாராயம் மற்றும் 40 லிட்டர் சாராய ஊறலை போலீசார் கைப்பற்றி அழித்தனர். இதுதொடர்பாக வழக்குப்பதிவு செய்த போலீசார், கார்த்திகைப்பட்டியை சேர்ந்த ரமேஷ் (வயது 40), தமிழரசன் (28) ஆகிய இருவரை கைது செய்து கோர்ட்டில் ஆஜர்படுத்தி சிறையில் அடைத்தனர்.