பிளஸ்-2 மாணவர்களுக்கு குட் நியூஸ்: வருகிற ஆகஸ்ட் 1 முதல் அசல் மதிப்பெண் சான்றிதழ்-அரசு தேர்வுகள் இயக்ககம்…!

இந்த ஆண்டு (2024 மார்ச்) 12 ம் வகுப்பு பொது தேர்வு எழுதிய மாணவர்கள் தங்களின் அசல் மதிப்பெண் சான்றிதழ்களை வருகிற ஆகஸ்ட் 1 ஆம் தேதி முதல் பள்ளிகளில் பெற்றுக் கொள்ளலாம் என்று தமிழக அரசுத் தேர்வுகள் இயக்ககம் தெரிவித்துள்ளது.  இதுகுறித்து வெளியிடப்பட்டிருக்கும் அறிக்கையில்,
இந்த ஆண்டு பிளஸ்-2 தேர்வர்களுக்கு (மறுகூட்டல் மற்றும் மறுமதிப்பீடு முடிவு உட்பட) அசல் மதிப்பெண் சான்றிதழ்கள் / மதிப்பெண் பட்டியல் 01.08.2024 அன்று முதல் வழங்கப்படும்.  பள்ளி மாணவர்கள் தாங்கள் பயின்ற பள்ளியிலும், தனித்தேர்வர்கள் தாங்கள் தேர்வெழுதிய மையத்திலும் அசல் மதிப்பெண் சான்றிதழ்களை பெற்றுக் கொள்ளலாம். மேலும்,  விவரங்களை www.dge.tn.gov.in   என்ற இணையதளத்தில்  அறிந்து கொள்ளலாம் என தெரிவிக்கப்பட்டுள்ளது.