எகிறியது தங்கம் விலை ஒரே நாளில் பவுனுக்கு ரூ.840 உயர்வு !

நேற்றைய தினத்தை விட இன்று தங்கம் விலை கிராமுக்கு ரூ.105-ம்,பவுனுக்கு ரூ.840ம் உயர்ந்துள்ளது. வெள்ளியை விலை கிராமுக்கு 3 ரூபாய் உயர்ந்துள்ளது. அதன்படி ஒரு கிராம் தங்கத்தின் விலை இன்றைய மார்க்கெட் நிலவரப்படி 8 ஆயிரத்து 340 ரூபாய்க்கு விற்பனையாகிறது. ஒரு பவுன் தங்கத்தின் விலை ரூ.66720 ரூபாய் ஆகும். இந்த வாரத் தொடக்கத்தில் ரூ.66 ஆயிரத்திற்கும் கீழ் விற்பனையான தங்கம், தற்போது கிடுகிடுவென உயர்ந்துள்ளது. மேலும் ஒரு கிராம் வெள்ளியின் விலை ரூ. 114 என்கிற அளவில் விற்பனையாகிறது. தொடர்ந்து தங்கம் மற்றும் வெள்ளி விலை ஏறுமுகத்தில் உள்ளதால் நடுத்தர வர்க்கத்தினர் மிகவும் கவலையில் உள்ளனர்.