இளையராஜாவுக்கு நேரில் பிறந்தநாள் வாழ்த்து கூறிய முதலமைச்சர் மு.க.ஸ்டாலின்…

இந்திய திரையுலகின் முன்னணி இசையமைப்பாளரான இளையராஜா இன்று ( 02.06.2023 )  தனது 80வது பிறந்தநாளை கொண்டி வருகிறார். அவரது பிறந்தநாளையொட்டி பிரதமர் நரேந்திர மோடி, கமலஹாசன் உள்ளிட்ட பல்வேறு அரசியல் கட்சி தலைவர்கள், திரையுலக பிரபலங்கள், ரசிகர்கள் வாழ்த்துக்களை தெரிவித்து வருகின்றனர். இந்நிலையில், இசையமைப்பாளர் இளையராஜாவை நேரில் சந்தித்து முதலமைச்சர் மு.க.ஸ்டாலின் பிறந்தநாள் வாழ்த்து தெரிவித்தார். தனது இல்லத்திற்கு வந்த முதலமைச்சரை பொன்னாடை போர்த்தி இளையராஜா வரவேற்றார். இளையராஜாவுக்கு முதலமைச்சர் பிறந்தநாள் வாழ்த்து தெரிவித்தபோது அமைச்சர்கள் கே.என்.நேரு, பொன்முடி உடன் இருந்தனர். அவர்களும் தங்கள் வாழ்த்துகளை இளையராஜாவுக்கு தெரிவித்தனர். ஏராளமான ரசிகர்களும் வரிசையில் காத்திருந்து இசையமைப்பாளர் இளையராஜாவுக்கு தனது வாழ்த்துகளை தெரிவித்து வருகின்றனர்.