தாம்பரத்தில் இருந்து ராமேஸ்வரம் செல்லும் ரயில் நேரத்தில் மாற்றம்…!

தாம்பரத்தில் இருந்து ராமேஸ்வரம் வரை வாரம் மூன்று முறை இயக்கப்படும் சிறப்பு ரயில் நேரத்தில் இன்று(03-10-2024) முதல் மாற்றம் செய்யப்பட்டுள்ளது. இதுதொடர்பாக திருச்சி ரயில்வே கோட்ட மக்கள் தொடர்பு அலுவலர் ஆர்.வினோத் வெளியிட்டுள்ள  செய்தி குறிப்பில்,  தாம்பரத்தில் இருந்து ராமேசுவரத்துக்கு சிறப்பு ரயில் (06103) வியாழக்கிழமை, சனிக்கிழமை, திங்கட்கிழமை என வாரத்தில் 3 நாட்கள் இயக்கப்படுகின்றன. இந்த ரயில் நேரத்தில்  இன்று  அக்டோபர் 3ம் தேதி முதல் மாற்றம் செய்யப்பட்டுள்ளது.  அதன்படி, தாம்பரத்தில் இருந்து மாலை 5 மணிக்கு புறப்பட்டு திருவாரூருக்கு இரவு 11-15 மணிக்கு சென்றடையும். ஆனால், இனி திருவாரூருக்கு இரவு 10.50 மணிக்கு சென்றடையும். அங்கிருந்து இரவு 11 மணிக்கும், திருத்துறைப்பூண்டியில் இரவு 11.25க்கும், முத்துப்பேட்டையில் இரவு 11.48 க்கும், அதிராம்பட்டிணத்தில் இரவு 11.59 க்கும். பட்டுக்கோட்டையில் நள்ளிரவு 12.16 க்கும், காரைக்குடியில் அதிகாலை 2.20 மணிக்கும், சிவகங்கையில் அதிகாலை 3 மணிக்கும், மானாமதுரையில் அதிகாலை 4 மணிக்கு புறப்பட்டு அதிகாலை 4.55 மணிக்கு ராமநாதபுரம் சென்றடையும் என  தெரிவிக்கப்பட்டுள்ளது.