அதிமுக பொதுச் செயலாளர் எடப்பாடி பழனிச்சாமி நாளை திருச்சியிலும் தஞ்சாவூரிலும் பிரச்சாரம் செய்து அதிமுக வேட்பாளர்களுக்கு ஆதரவு திரட்டுகிறார்

அதிமுக பொதுச்செயலாளரும், சட்டமன்ற எதிர்க்கட்சித் தலைவருமான எடப்பாடி பழனிச்சாமி திருச்சியில் நாடாளுமன்ற தேர்தல் பிரச்சாரத்தை தொடங்கினார். இதையடுத்து தொகுதி வாரியாக சுற்றுப்பயணம் செய்து சூறாவளி பிரச்சாரத்தில் ஈடுபட்டு வருகிறார். இந்நிலையில் திருச்சியில் அதிமுக வேட்பாளர் கருப்பையாவை ஆதரித்து எடப்பாடி பழனிச்சாமி நாளை மாலை 4மணி அளவில் தென்னூர் உழவர் சந்தை பகுதியில் பிரச்சாரம் செய்கிறார். இதையடுத்து தஞ்சாவூருக்கு சென்று ஆதரவு திரட்டுகிறார். எடப்பாடி பழனிச்சாமி மீண்டும் திருச்சிக்கு பிரச்சாரத்திற்கு வருவதையடுத்து அதிமுக தொண்டர்கள் மற்றும் கூட்டணி கட்சியினர் உற்சாகம் அடைந்துள்ளனர்.