துறையூர் அருகே கார் மோதி விவசாயி பலி…!

திருச்சி மாவட்டம் துறையூர் அருகே உள்ள கரட்டூரை சேர்ந்தவர் கதிரேசன். விவசாயி. இவர் மனைவி இறந்து விட்ட நிலையில் தனது இரண்டு மகன்களுடன் வாழ்ந்து வந்தார். இவர், மாடுகளை கட்டுவதற்காக கயிறு வாங்க எரகுடி கிராமத்திற்கு சென்றுவிட்டு அங்கிருந்து இருசக்கர வாகனத்தில் ஊர் திரும்பி கொண்டு இருந்தார். அப்போது துறையூரில் இருந்து எரகுடி நோக்கி எதிரே வந்த கார், இருசக்கர வாகனம் மீது மோதியதில் கதிரேசன் தூக்கி வீசப்பட்டார். இதில், தலையில் பலத்த காயம் அடைந்த அவர் சம்பவ இடத்திலேயே உயிரிழந்தார். இதுகுறித்து தகவல் அறிந்த துறையூர் போலீசார் சம்பவ இடத்திற்கு சென்று கதிரேசன் உடலை கைப்பற்றி பிரேத பரிசோதனைக்காக துறையூர் அரசு மருத்துவமனைக்கு அனுப்பி வைத்தனர். மேலும், இந்த விபத்து குறித்து வழக்கு பதிவு செய்து விசாரணை நடத்தி வருகின்றனர்.