யு.பி.ஐ.வரி விதிப்புக்கு எதிராக திருச்சியில் வணிகர்கள் கண்டன ஆர்ப்பாட்டம்…!

தமிழ்நாடு வணிகர் சங்கங்களின் பேரவை திருச்சி மாவட்டம் சார்பாக யு. பி.ஐ. பண பரிவர்த்தனைக்கு வணிகர்களுக்கு 0.4.சதவீத வரி விதிப்பதை ரத்து செய்ய வலியுறுத்தியும், ஆன்லைன் வர்த்தகத்தை ஊக்குவிப்பதை தடை செய்ய கோரியும், சில்லறை வணிகத்தின் வளர்ச்சியை நசுக்க நினைக்கும் மத்திய அரசின் விரோத போக்கை கண்டித்தும்
திருச்சி மாவட்ட ஆட்சியர் அலுவலகம் அருகில் இன்று(07-10-2026) ஆர்ப்பாட்டம் நடைபெற்றது. ஆர்ப்பாட்டத்திற்கு மாவட்ட தலைவர் எஸ்.பி. பாபு தலைமை தாங்கி சிறப்புரையாற்றினார். செயலாளர் வெற்றிவேல், பொருளாளர் ஹக்கீம் ஆகியோர் முன்னிலை வகித்தனர். மாநில துணைத் தலைவர்கள் எம்.கே.எஸ். சாகுல் ஹமீது, துவாக்குடி டி.சரவணன், மாநில இணை செயலாளர் எம்.இ.சபி முகமது, மாரி என்கிற பத்மநாபன் , நிரஞ்சன் மற்றும் மாவட்ட செய்தி தொடர்பாளர் ஜாபர், ஒருங்கிணைப்பாளர் பிரபாகரன், மாவட்ட இளைஞர் அணி தலைவர் கோபால், செயலாளர் பஜார் மைதீன், துணை தலைவர் எம்.இ.எஸ்.சமது, எஸ்.எம்.டி. மணிகண்டன், அமைப்பாளர்
கே.கே.நகர் அனிபா, மாவட்ட துணைத் தலைவர்கள் காமராஜ் நகர் முஸ்தபா, காட்டூர் அப்துல்லா, புத்தூர் வியாபாரிகள் சங்க தலைவர் மாரிமுத்து, ஸ்ரீரங்கம் சிவசாமி உள்பட 300-க்கும் மேற்பட்ட வணிகர்கள் திரளாக கலந்து கொண்டனர். இந்த ஆர்ப்பாட்டத்தில் வளர்க்காதே, வளர்க்காதே கார்ப்பரேட் வணிகத்தை வளர்க்காதே, ரத்து செய் ரத்து செய்,, யுபிஐ பண பரிவர்த்தனைக்கான கட்டணத்தை ரத்து செய், ஆன்லைன் வர்த்தகத்தை தடை செய் என்பன உள்ளிட்ட கோஷங்கள்  எழுப்பினர்.