திருச்சி உட்பட 9 மாவட்டங்களில் இன்று(நவ. 6) கனமழைக்கு வாய்ப்பு…!

திருச்​சி, சேலம் உள்​ளிட்ட 9 மாவட்​டங்​களில் இன்று( நவ. 6) கன மழைக்கு வாய்ப்பு உள்ளதாக அறிவிக்கப்பட்டுள்ளது. இதுதொடர்பாக சென்னை வானிலை ஆய்வு மையம் வெளி​யிட்ட செய்திக்குறிப்பில், தமிழக உள் பகு​தி​களின்​மேல் ஒரு வளிமண்டல மேலடுக்கு சுழற்சி நில​வு​கிறது. இதன் காரண​மாக இன்​றும், நாளை​யும் (நவ.6, 7) தமிழகத்​தில் ஒருசில இடங்​களில் இடி, மின்​னலுடன் லேசானது முதல் மித​மான மழை பெய்​யக்​கூடும். 8 முதல் 11-ம் தேதி வரை தென் தமிழகத்​தில் ஒருசில இடங்​களி​லும், வட தமிழகத்​தில் ஓரிரு இடங்​களி​லும் இடி, மின்​னலுடன் லேசானது முதல் மித​மான மழை பெய்​யக்​கூடும். இன்று திருச்சி, அரியலூர், பெரம்​பலூர், கள்​ளக்​குறிச்​சி, திரு​வண்​ணா​மலை, சேலம், தரு​மபுரி, கிருஷ்ணகிரி, திருப்​பத்​தூர் மாவட்​டங்​களி​லும், நாளை ராம​நாத​புரம், சிவகங்​கை, விருதுநகர், மதுரை, தேனி, திண்​டுக்​கல் மாவட்​டங்​களி​லும், ஓரிரு இடங்​களில் கனமழை பெய்ய வாய்ப்பு உள்​ளது. இவ்வாறு அதில் தெரிவிக்கப்பட்டுள்ளது.