ஆந்திராவில் கரை ஒதுங்கிய 8 சடலங்கள்; முரசு புயலில் சிக்கி காணாமல் போன சென்னை, காசிமேடு மீனவர்களா?

சென்னை, காசிமேடு பகுதியில் இருந்து கடந்த சில நாட்களுக்கு முன் செண்பகராஜன் என்பவருக்குச் சொந்தமான விசைப்படகில் 9 பேர் மீன்பிடிக்கச் சென்ற நிலையில், முரசு புயலின் போது இவர்கள் காணாமல்போய் இருப்பதாகத் தகவல்கள் வெளியாயின.
இதனைத் தொடர்ந்து, காசிமேடு மீன்பிடி துறைமுகக் காவல் நிலையத்திலும், மீன்வளத்துறை அலுவலகத்திலும் 9 மீனவர்களின் குடும்பத்தினர் புகார் அளித்தனர். அவர்களைத் தேட விரைந்து நடவடிக்கை எடுக்குமாறு அப்புகாரில் குறிப்பிட்டிருந்தனர். இதற்கிடையில், ஆந்திராவின் கோத்தப்பட்டினம் பள்ளிப்பாலம் கடற்கரையில் 8 பேரின் சடலங்கள் கரைஒதுங்கி உள்ளதாக தகவல்கள் வெளியாகி உள்ளது. அவர்கள் சென்னை, காசிமேட்டில் இருந்து மீன் பிடிக்க சென்ற மீனவர்களா? என்று தெரியவில்லை. இதனைத் தொடர்ந்து, சடலங்களின் அடையாளத்தை உறுதிப்படுத்த தமிழக மீன்வளத்துறை உதவி இயக்குநர் தலைமையிலான குழு ஆந்திராவுக்கு விரைந்துள்ளது.