திருச்சியில் கடன் சுமையால் மாயமான கார் மெக்கானிக்..!

திருச்சி எடமலைப்பட்டி புதூர் பகுதியைச் சேர்ந்த இப்ராஹிம் ஷா (45) கார் மெக்கானிக் ஆன இவர் உழவர் சந்தை அருகே பட்டறை நடத்தி வந்தார். இந்த தொழிலில் சரியான வருமானம் இல்லாததால் அவர் கடன் பெற்றிருந்தார். கடன் அதிகரித்ததால் கடந்த சில நாட்களாக மன உளைச்சலில் இருந்து வந்ததாக தெரிகிறது. இந்நிலையில், வீட்டை விட்டு வெளியே சென்ற அவர் மீண்டும் வீடு திரும்பவில்லை. எங்கு தேடியும் அவரைப் பற்றிய தகவல்கள் கிடைக்கவில்லை. இதுகுறித்து எடமலைப்பட்டி புதூர் போலீசார் வழக்கு பதிவு செய்து விசாரணை நடத்தி வருகின்றனர்.