திருச்சியில் ஆக. 23, 24 மற்றும் 25ம் தேதிகளில் எடப்பாடி பழனிசாமி சுற்றுப்பயணம்: வானில் பறக்கும் அதிமுக ராட்சத பலூன்…! 

தமிழக சட்டமன்ற தேர்தலுக்கு இன்னும் குறைந்த மாதங்களே இருப்பதால் அதிமுக பொதுச் செயலாளரும், முன்னாள் முதலமைச்சருமான எடப்பாடி பழனிசாமி
“மக்களை காப்போம் தமிழகத்தை மீட்போம்” என்ற பெயரில் தமிழகம் முழுவதும் சுற்றுப்பயணம் மேற்கொண்டு வருகிறார். அந்தவகையில் திருச்சி மாவட்டத்தில்
இம்மாதம் ஆகஸ்ட் 23, 24 மற்றும் 25 ஆகிய தேதிகளில் சுற்றுப்பயணம் மேற்கொள்கிறார். இதற்கான ஏற்பாடுகளை அதிமுக நிர்வாகிகள் செய்து வருகின்றனர். இந்நிலையில் எடப்பாடி பழனிசாமி பேச இருக்கும் திருச்சி மரக்கடை எம்.ஜி.ஆர்.திடலில் மாநகர் மாவட்ட அதிமுக சார்பில் ராட்சத பலூன் வானில் பறக்க விடப்பட்டது. மாநகர் மாவட்ட கழக செயலாளரும், மாநகராட்சி முன்னாள் துணை மேயருமான ஜெ.சீனிவாசன் தலைமையில் நடைபெற்ற இந்த நிகழ்ச்சியில் கழக அமைப்பு செயலாளர் கோகுல இந்திரா கலந்து கொண்டு ராட்சத பலூனை வானில் பறக்க விட்டார். இந்த நிகழ்ச்சியில் அம்மா பேரவை இணை செயலாளர் எல்.முத்துக்குமார் மற்றும் கழக நிர்வாகிகள் பலர் கலந்து கொண்டனர். இதற்கான ஏற்பாடுகளை கழக செயல் வீரர் திருச்சி ஜி.நாகு சிறப்பாக செய்திருந்தார்.