திருச்சி-காரைக்கால் மற்றும் பாலக்காடு ரயில்கள் பகுதியாக ரத்து…!

பொறியியல் பணிகள் காரணமாக திருச்சி- காரைக்கால், பாலக்காடு ரயில்கள் பகுதியாக ரத்து செய்யப்பட்டுள்ளன. அதன்படி திருச்சி – காரைக்கால் டெமு ரயிலானது (76820) ஜூலை 25, 26, 27 ஆகிய தேதிகளில் திருவாரூர் – காரைக்கால் இடையே பகுதியாக ரத்து செய்யப்பட்டு, திருச்சி – திருவாரூர் இடையே மட்டும் இயங்கும். மறுமார்க்கமாக, காரைக்கால் – திருச்சி டெமு ரயிலானது (76819) வருகிற 25, 26, 27 ஆகிய தேதிகளில் காரைக்கால் – திருவாரூர் இடையே பகுதியாக ரத்து செய்யப்பட்டு, திருவாரூர்- திருச்சி இடையே மட்டும் இயங்கும். மேலும் திருச்சி – பாலக்காடு விரைவு ரயிலானது (16843) வருகிற 25, 27, 28ம் தேதிகளில் பாலக்காடு-குளித்தலை இடையே பகுதியாக ரத்து செய்யப்படுகிறது. பராமரிப்புப் பணிகள் முடிந்ததும் குளித்தலை பாலக்காடு இடையே முன்பதிவற்ற சிறப்பு ரயிலாக இயக்கப்படும். மறுமார்க்கமாக, பாலக்காடு – திருச்சி விரைவு ரயிலானது (16844) வரும் 25, 27, 28 ஆம் தேதிகளில் திருச்சி – கரூர் இடையே பகுதியாக ரத்து செய்யப்படுகிறது. பராமரிப்புப் பணிகள் முடிந்ததும் கரூர் – திருச்சி இடையே முன்பதிவற்ற சிறப்பு ரயிலாக இயக்கப்படும். காரைக்கால்- தஞ்சாவூர் பயணிகள் ரயிலானது (56817) வரும் 24, 25, 26, 27 ஆகிய தேதிகளில் தேவைப்படும் இடங்களில் 30 நிமிடங்கள் நின்று தாமதமாகப் புறப்படும் என்று அறிவிக்கப்பட்டுள்ளது.