திருச்சியில் ஆயுள் தண்டனை கைதி திடீர் உயிரிழப்பு…!

அரியலூர் மாவட்டம், செந்துறை பகுதியை சேர்ந்தவர் அம்பேத்கார் (வயது 52). இவர், ஒரு கொலை வழக்கில் ஆயுள் தண்டனை விதிக்கப்பட்டு திருச்சி மத்திய சிறையில் அடைக்கப்பட்டு இருந்தார். இவருக்கு சர்க்கரை நோய் மற்றும் சிறுநீரக பிரச்சனை இருந்துள்ளது. இந்தநிலையில் மத்திய சிறையில் இருந்த அம்பேத்காருக்கு திடீரென்று மூச்சு திணறல் ஏற்பட்டது. இதையடுத்து அவரை சிகிச்சைக்காக திருச்சி அரசு மருத்துவமனைக்கு அழைத்துச் சென்றனர். அங்கு அம்பேத்காரை பரிசோதனை செய்த டாக்டர் அவர் இறந்து விட்டதாக கூறினார். இதுகுறித்து மத்திய சிறை அதிகாரி விக்னேஷ், கே.கே.நகர் போலீசில் கொடுத்த புகாரின்பேரில் போலீசார் வழக்கு பதிவு செய்து விசாரணை நடத்தி வருகின்றனர்.