திருச்சி தெற்கு மாவட்ட திமுக சார்பில் பெண்களுக்கான பேட்மிண்டன் போட்டி * வெற்றி பெற்ற அணி வீராங்கனைகளுக்கு பரிசு…!

தமிழக முதலமைச்சர் மு.க.ஸ்டாலின் 72-வது பிறந்த நாளை முன்னிட்டு திருவெறும்பூர் சட்டமன்ற உறுப்பினரும், தமிழக பள்ளிக்கல்வித்துறை அமைச்சருமான அன்பில் மகேஸ் பொய்யாமொழி வழிகாட்டுதலின் பேரில் மாவட்ட இலக்கிய அணி அமைப்பாளர் புலவர் மனோகரன் மற்றும் மாவட்ட மாணவர் அணி அமைப்பாளர் முத்து வெங்கடேஷ் ஆகியோர் தலைமையில் மாவட்ட இலக்கியஅணி மற்றும் மாவட்ட மாணவர்அணி இணைந்து பேட்மிண்டன் போட்டியை நடத்தின. காட்டூர் கைலாஷ் நகர் அருகே உள்ள அகாடமியில் இந்த போட்டி நடைபெற்றது. இதில் 32 வீராங்கனைகள் பங்கேற்றனர். மாநகர மாணவரணி அமைப்பாளர் அசாருதீன் அனைவரையும் வரவேற்றார். இதில் கலந்து கொண்ட வீராங்கனைகள் தமிழ்நாடு போராடும் தமிழ்நாடு வெல்லும் என்றும், இந்தியை எதிர்ப்போம் என்றும் உறுதி மொழியை ஏற்றுக்கொண்டனர் . பின்னர் போட்டி தொடங்கியது. போட்டி 4 சுற்றுகளாக நடைபெற்றது.‌ இதில், வெற்றி பெற்ற வீராங்கனைகளுக்கு சிறப்பு விருந்தினராக கலந்து கொண்ட கிழக்கு மாநகர கழக செயலாளரும், மண்டலம் 3-ன் தலைவருமான மு.மதிவாணன் மற்றும் தலைமை செயற்குழு உறுப்பினர் வண்ணை அரங்கநாதன் ஆகியோர் பரிசுகளை வழங்கினர். இந்நிகழ்வில் திருவெறும்பூர் பகுதி செயலாளர் சிவக்குமார், மாநகரத் துணைச் செயலாளர் பொன் செல்லையா மற்றும் இலக்கிய அணி, மாணவர் அணி நிர்வாகிகள் கலந்து கொண்டனர்‌.