திருச்சியில் குடிபோதையில், எஸ்.ஐயிடம் ரகளை செய்த வாலிபரால் பரபரப்பு..  (வீடியோ இணைப்பு)

தீபாவளி பண்டிகை வரும் 12ஆம் தேதி கொண்டாடப்படும் நிலையில், திருச்சி NSBரோடு, பெரிய கடை வீதி பகுதிகளில் போலீசார் தீவிர பாதுகாப்பு பணியில் ஈடுபட்டு வருகின்றனர். இந்த நிலையில், கள்ளர்தெரு அருகே பாதுகாப்பு பணியில் இருந்த காவல்துறை சிறப்பு உதவி ஆய்வாளர் மற்றும் பொதுமக்களை போதை ஆசாமி ஒருவா் ஆபாச வார்த்தைகளால் திட்டி ரகளையில் ஈடுபட்டாா்.

அங்கு வரும் பொது மக்களுக்கும் இடையூறு ஏற்படுத்தும் விதமாக நடந்து கொண்டார். போதையில் கழுத்தில் காயத்துடன் ரத்தம் சொட்ட சொட்ட ரகளையில் ஈடுபட்ட அந்த போதை ஆசாமியை அங்கு வந்த அவரது தந்தை சமாதானப்படுத்தினார். பிறகு காவல்துறையினா் அவா் மீது வழக்கு எதுவும் பதிவு செய்யாமல் சிகிச்சைக்காக அவ்வழியே வந்த ஆட்டோவில் ஏற்றி மருத்துவமனைக்கு அனுப்பி வைத்தனர்.