திருச்சி விமான நிலையத்தில் ட்ராலி பேக்கில் மறைத்து கடத்தப்பட்ட 600 கிராம் தங்கம் பறிமுதல் (வீடியோ இணைப்பு )

தமிழ்நாட்டில், சென்னைக்கு அடுத்தபடியாக திருச்சி சர்வதேச விமான நிலையம் திகழ்ந்து வருகிறது.  இங்கிருந்து இலங்கை, துபாய், சிங்கப்பூர், மலேசியா உள்ளிட்ட உலகின் பல நாடுகளுக்கு விமான சேவைகள் இயக்கப்பட்டு வருகின்றன. இந்நிலையில், துபாயில் இருந்து இலங்கை வழியாக திருச்சி வந்த விமானத்தில் பயணம் செய்த பயணிகளை சுங்கத்துறை அதிகாரிகள் சோதனை செய்தனர். அப்போது பயணி ஒருவர், தான் எடுத்து வந்த 3 லக்கேஜ் டிராலிபேக்கின் உட்பகுதியில் தங்கத்தை ஒயர் வடிவில் மறைத்து கடத்தி வந்தது தெரியவந்தது.இதனையடுத்து சுங்கத்துறை அதிகாரிகள், அந்த பைகளில் இருந்து ரூ.43 லட்சத்து 16 ஆயிரம் மதிப்புள்ள 600 கிராம் தங்கத்தை பறிமுதல் செய்ததோடு அந்த நபரை கைது செய்தனர். அவரிடம் தொடர்ந்து விசாரணை நடைபெற்று வருகிறது.