திருச்சி,மரக்கடை, விறகுப்பேட்டை பகுதிகளில் நாளை மறுநாள் தண்ணீர் வராது…

திருச்சிராப்பள்ளி மாநகராட்சிக்குட்பட்ட கம்பரசம்பேட்டை தலைமை நீர்ப்பணி நிலையத்திலிருந்து ஜோசப் கல்லூரி வளாகத்தின் வழியாக செல்லும் குடிநீர் உந்து குழாய் உடைப்பு ஏற்பட்டத்தின் காரணமாக நாளை ( மார்ச் -01 ) காலை 9.45 மணிமுதல் மாலை 4.00 மேணிவரை பராமரிப்பு பணி மேற்கொள்ளப்படவுள்ளதால், கம்பரசம்பேட்டை தலைமை நீரேற்று நிலையத்திலிருந்து குடிநீர் வீநியோகம் பெறும் மரக்கடை, விறகுபேட்டை, ஆகிய பகுதிகளில் நாளை மறுநாள்( மார்ச் -02 ) குடிநீர் விநியோகம் இருக்காது. மார்ச் 3ம் தேதி முதல் வழக்கம்போல் குடிநீர் விநியோகம் செய்யப்படும். எனவே, பொதுமக்களுக்கு இதனால் ஏற்படும் சிரமத்தைப் பொறுத்து மாநகராட்சியுடன் ஒத்துழைக்குமாறும், குடிநீரை சிக்கனமாக பயன்படுத்துமாறும், திருச்சிராப்பள்ளி மாநகராட்சி ஆணையர் தெரிவித்துள்ளார்.