கடையநல்லூர் அருகே லாரி -கார் பயங்கர மோதல்:6 பேர் பலி…

தென்காசி மாவட்டம் கடையநல்லூர் அருகே சிங்கிலிப்பட்டியில் சிமெண்ட் ஏற்றி வந்த லாரி- கார் நேருக்கு நேர் மோதி விபத்துக்குள்ளானதில் 6 பேர் சம்பவ இடத்திலேயே உயிரிழந்தனர். புளியங்குடியை சேர்ந்த 6 பேர் காரில் குற்றாலத்தில் குளித்துவிட்டு சொந்த ஊருக்கு சென்று கொண்டிருந்தனர். கடையநல்லூர் அருகே சிங்கிலிபட்டியில் சென்றுகொண்டிருந்த போது காரும், அந்த வழியாக சிமெண்ட் ஏற்றி வந்த லாரியும் நேருக்கு நேர் பயங்கரமாக மோதி விபத்துக்குள்ளானது. இந்த விபத்தில் கார் அப்பளம் போல் நொறுங்கியது. இதில் , காரில் பயணம் செய்த 6 பேரும் சம்பவ இடத்திலேயே உயிரிழந்தனர். இந்த விபத்து காரணமாக தென்காசி-மதுரை தேசிய நெடுஞ்சாலையில் 2 மணி நேரம் போக்குவரத்து பாதிக்கப்பட்டது. தகவல் அறிந்து சம்பவ இடத்திற்கு விரைந்து வந்த போலீசார், உயிரிழந்த 6 பேர் உடல்களையும் மீட்டு பிரேத பரிசோதனைக்காக அங்குள்ள அரசு மருத்துவமனைக்கு அனுப்பி வைத்தனர். பின்னர், விபத்துக்குள்ளான வாகனங்களை அப்புறப்படுத்தி போக்குவரத்தை சரி செய்தனர். இந்த விபத்து குறித்து போலீசார் வழக்குப் பதிவு செய்து விசாரணை நடத்தி வருகின்றனர்.