திருச்சியில் ஆசிரியை தூக்கு போட்டு தற்கொலை…

திருச்சி கே.கே.நகர் ராஜராஜன் நகரை சேர்ந்தவர் ஸ்டீபன் சந்தனராஜ். இவரது மனைவி அமுதா சோபியா (வயது 49). இவர் திருச்சி பொன்மலை பகுதியில் உள்ள ஒரு பெண்கள் மேல்நிலைப் பள்ளியில் ஆசிரியையாக பணிபுரிந்து வந்தார். கடந்த ஐந்து மாத காலமாக அமுதா சோபியா மன உளைச்சலில் இருந்து வந்ததாக கூறப்படுகிறது. இதற்காக அவர் மருத்துவ சிகிச்சை பெற்று வந்ததாக தெரிகிறது. இந்நிலையில் சம்பவத்தன்று அமுதா சோபியா வீட்டில் யாரும் இல்லாத நேரத்தில் மின்விசிறியில் தூக்கு போட்டு தற்கொலை செய்து கொண்டார். தகவல் அறிந்த கே.கே.நகர் போலீசார் சம்பவ இடத்துக்கு சென்று அமுதா சோபியாவின் உடலை கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். இதுகுறித்து ஸ்டீபன் சந்தனராஜ் கே.கே நகர் போலீசில் அளித்த புகாரின் பேரில் போலீசார் வழக்கு பதிவு செய்து அமுதா சோபியா தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர். ஆசிரியை தற்கொலை செய்து கொண்ட சம்பவம் சக ஆசிரியைகள் மற்றும் மாணவிகள் மத்தியில் பெரும் சோகத்தை ஏற்படுத்தியுள்ளது.