எம்ஜிஆர் கழக நிறுவன தலைவர் ஆர்.எம்.வீரப்பன் காலமானார்…!

எம்ஜிஆர் கழகத்தின் நிறுவனரும், முன்னாள் அமைச்சருமான ஆர்.எம்.வீரப்பன் உடல் நலக்குறைவால் இன்று காலமானார். அவருக்கு வயது 98. அவருக்கு அரசியல் கட்சித் தலைவர்கள் இரங்கல் தெரிவித்து வருகின்றனர். கடந்த ஆண்டு செப்டம்பர் மாதம் ஆர்.எம். வீரப்பன் தனது 98-வது பிறந்தநாளை கொண்டாடினார். அப்போது சென்னை தி.நகரில் உள்ள அவரது இல்லத்துக்கு சென்ற முதலமைச்சர் மு.க.ஸ்டாலின், அவருக்கு வாழ்த்து தெரிவித்தார் என்பது குறிப்பிடத்தக்கது.
மறைந்த ஆர்.எம்.வீரப்பன் முன்னாள் முதலமைச்சர் எம்ஜிஆருக்கு மிகவும் நெருக்கமானவர். எம்ஜிஆர் அமைச்சரவையில் அமைச்சராக பதவி வகித்து வந்தார் என்பது நினைவு கூரத்தக்கது.