நடிகர் தனுஷ், இசை அமைப்பாளர் ஜி.வி.பிரகாஷுக்கு தேசிய விருது…* ஜனாதிபதி திரௌபதி முர்மு வழங்கினார்!

இந்தியாவில் தயாரிக்கப்படும் சிறந்த திரைப்படங்கள், சிறந்த நடிகர்கள், நடிகைகளுக்கு 1954-ம் ஆண்டு முதல் ‘தேசிய விருதுகள் வழங்கப்பட்டு வருகிறது. சிறந்த திரைப்பட இயக்குனர், சிறந்த ஒளிப்பதிவு, சிறந்த ஒலி வடிவமைப்பு, சிறந்த பின்னணி இசை போன்ற பல துறைகளுக்கும் தேசிய விருதுகள் வழங்கப்படுகின்றன. அந்த வகையில் 72-வது தேசியத் திரைப்பட விருதுகள் வழங்கும் விழா முதல்முறையாக டெல்லியில் இருந்து மாற்றப்பட்டு குஜராத் மாநிலம் ஏகதா நகரில் இன்று(22-09-2026) நடைபெற்று வருகிறது. இதில், கடந்த 2024ம் ஆண்டு வெளியான திரைப்படங்கள் மற்றும் கலைஞர்களுக்கு முன்பே அறிவிக்கப்பட்ட தேசிய விருதுகளை குடியரசுத் தலைவர் திரௌபதி முர்மு வழங்கி வருகிறார். அந்தவகையில் ஜனாதிபதி திரௌபதி முர்முவிடமிருந்து ‘கேப்டன் மில்லர்’ படத்தில் சிறப்பாக நடித்ததற்காக நடிகர் தனுஷ் தேசிய விருதைப் பெற்றுக்
கொண்டார். சமூக மற்றும் தேசிய சமூக சுற்றுச்சூழல் பிரிவுகளில் இந்த விருது வழங்கப்பட்டுள்ளது. மேலும், தனுஷ் நடித்த ‘ராயன்’ திரைப்படம் சிறந்த தமிழ்ப்படத்திற்கான தேசிய விருதுக்குத் தேர்வாகியுள்ளதும் குறிப்பிடத்தக்கது. சிறந்த பின்னணி இசைக்கான தேசிய விருதை அமரன் படத்துக்காக இசையமைப்பாளர் ஜி.வி. பிரகாஷ் குமார் பெற்றுள்ளார். இது ஜி.வி. பிரகாஷ் குமாருக்கு மூன்றாவது தேசிய விருதாகும். இதேபோல், அமரன் திரைப்படத்துக்காக சிறந்த இயக்குநர் விருதை ராஜ்குமார் பெரியசாமி, சிறந்த படத்தொகுப்பாளர் விருதை ஆர். கலைவாணன் ஆகியோர் பெற்றுள்ளனர்.