கட்சியிலேயே மிகப் பெரிய போதை மாபியாவை வைத்துக்கொண்டுதான் த.வெ.க. தலைவர் ஊருக்கு உபதேசம் செய்து கொண்டிருக்கிறாரா?* மு.க.ஸ்டாலின் கேள்வி..!

நாகையைச் சேர்ந்த தவெக நிர்வாகி பூபாலன் வீட்டில் நடத்திய சோதனையில் ரூ.135 கோடி மதிப்பிலான மெத்தம்பெட்டமைன் போதை பொருள் பறிமுதல் செய்யப்பட்டுள்ளது. இலங்கைக்குக் கடத்துவதற்காக பூபாலன் தனது வீட்டில் இந்தப் போதைப்பொருளைப் பதுக்கி வைத்திருந்ததாகத் தெரிகிறது. இவரை நேற்று (அக்டோபர் 16) மத்திய வருவாய் புலனாய்வுப் பிரிவு போலீசார் கைது செய்துள்ளனர். இவரை கட்சியிலிருந்து தவெக நிர்வாகம் நீக்கியுள்ளது. பூபாலன் வீட்டில் மெத்தம்பெட்டமைன் பறிமுதல் செய்யப்பட்டது குறித்து திமுக தலைவர் மு.க.ஸ்டாலின் ஒரு அறிக்கை வெளியிட்டுள்ளார்.அதில் அவர் தெரிவித்து இருப்பதாவது;
TVK = Bad Party மட்டுமல்ல, Breaking Bad Party. மத்திய அரசின் DRI அதிகாரிகளால் நாகை மாவட்டத் த.வெ.க. நிர்வாகியும் கீழ்வேளூர் சட்டமன்றத் தொகுதியின் தேர்தல் பொறுப்பாளருமான பூபாலன் கைது செய்யப்பட்டுள்ளார். போதை ‘ஒழிப்பு’ பற்றி முதலமைச்சர் மேடைதோறும் பாடமெடுத்து வருவதை, போதை ‘ஒளிப்பு’ எனத் தவறாகப் புரிந்துகொண்டு 135 கிலோ மெத்தம்பெட்டமைன் போதைப் பொருளை ஒளித்து வைத்திருந்ததுதான் அவர் செய்துள்ள குற்றம் என முதற்கட்ட விசாரணையில் தெரிய வந்துள்ளது. கேரியரின் உச்சத்தில் இருந்தபோது தொக்காக மாட்டியுள்ளார். சொந்தக் கட்சியிலேயே மிகப் பெரிய போதை மாபியாவை வைத்துக்கொண்டுதான் த.வெ.க. தலைவர் ஊருக்கு உபதேசம் செய்துகொண்டிருந்தாரா? ஒரே சோதனையில் இந்த அளவுக்கு போதைப்பொருள் சிக்கியிருக்கிறதென்றால், இவர்களின் பின்னால் இன்னும் எத்தனை பேர் இருக்கிறார்கள் எனக் கண்டறிந்து மொத்த Network-ஐயும் சுற்றி வளைக்க வேண்டும். தாசில்தார் மூலமாகக் கம்யூனிஸ்டுகளை கணக்கெடுப்பதற்கு பதிலாக, மாவட்டத்துக்கு மாவட்டம் இப்படி எத்தனை ‘லியோ தாஸ்’களும், பவுடர் சரத்களும் த.வெ.க.வில் இருக்கிறார்கள் என முதலில் கணக்கெடுங்கள். ஆட்சிக்கு வந்த ஐந்தே மாதங்களில் Bad Party என்று பெயரெடுத்திருந்த த.வெ.க., அடுத்தகட்டமாக Breaking Bad Party-யாக Promotion பெற்றுள்ளது. “பயமா இருக்கா? போக போக இன்னும் பயங்கரமா இருக்கும் என முதலமைச்சர் இதற்கும் Punch Dialogue அடிக்காமல் இருக்க வேண்டும். இவ்வாறு அதில் கூறப்பட்டுள்ளது.