பாராளுமன்ற தேர்தலில் 40 தொகுதிகளிலும் பாஜக வெற்றி பெற பாடுபட வேண்டும்… திருச்சி நிர்வாகிகள் கூட்டத்தில் மாநில அமைப்பு செயலாளர் கேசவ விநாயகம் பேச்சு

திருச்சி பெருங்கோட்ட பாஜக பாராளுமன்ற, சட்டமன்ற தொகுதி பொறுப்பாளர்கள், நிர்வாகிகள் கூட்டம் ஐயப்பன் கோவில் அருகில் உள்ள மாவட்ட பாஜக தலைமை அலுவலகத்தில் நடைபெற்றது. கூட்டத்திற்கு கட்சியின் மாநில அமைப்பு செயலாளர் கேசவ விநாயகம் தலைமை தாங்கினார். திருச்சி பெருங்கோட்ட பொறுப்பாளர் மற்றும் மாநில பொதுச் செயலாளர் கருப்பு முருகானந்தம், மாநில இணை பொருளாளர் சிவசுப்பிரமணியம் ஆகியோர் முன்னிலை வகித்தனர். கூட்டத்தில் திருச்சி பெருங்கோட்டத்திற்கு உட்பட்ட மாவட்ட தலைவர்கள், தொகுதி பொறுப்பாளர்கள், நிர்வாகிகள் கலந்து கொண்டனர். கூட்டத்தில், மாநில அமைப்பு செயலாளர் கேசவவிநாயகம் பேசுகையில் வருகிற பாராளுமன்ற தேர்தலில் பாஜக அரசின் சாதனைகள்,பிரதமர் மோடி கொண்டு வந்த திட்டங்கள் குறித்து பொதுமக்களிடம் எடுத்து கூறி புதுச்சேரி உள்பட 40 தொகுதிகளிலும் பாஜக மற்றும் கூட்டணி வெற்றி பெற நிர்வாகிகள் அனைவரும் பாடுபட வேண்டும்.
திமுக அரசின் அவலங்களை பொதுமக்களிடம் எடுத்து கூற வேண்டும் என்று பேசினார். கூட்டத்திற்கான ஏற்பாடுகளை திருச்சி மாநகர், மாவட்ட தலைவர் ராஜசேகரன் தலைமையில் நிர்வாகிகள் செய்திருந்தனர்.