தறிகெட்டு ஓடிய லாரி அரசு பஸ் மீது மோதல்;  ஒருவர் பலி- 5 பேர் படுகாயம்..

திருச்சி-சென்னை தேசிய நெடுஞ்சாலையில் திருவானைக்காவல் இரணியம்மன் கோவில் அருகே சென்னையில் இருந்து புதுக்கோட்டை நோக்கி  செங்கற்கள் ஏற்றிய லாரி ஒன்று இன்று ( 14.06.2023 ) அதிகாலை சென்று கொண்டிருந்தது. அப்போது அந்த லாரி திடீரென தறிக்கெட்டு  ஓடி அந்த வழியாகச் சென்ற அரசு  பஸ் மீது மோதியது. இந்த விபத்தில், புதுக்கோட்டை மாவட்டம் காளப்பனூரை சேர்ந்த பஸ் டிரைவர் பன்னீர்செல்வம், கண்டக்டர் கோபிநாதன் உள்ளிட்ட 6 பேர் படுகாயம்  அடைந்தனர். அவர்கள் அனைவரும் சிகிச்சைக்காக திருச்சி அரசு மருத்துவமனையில் அனுமதிக்கப்பட்டனர். அவர்களில் பஸ் டிரைவர் பன்னீர்செல்வம் சிகிச்சை பலனின்றி பரிதாபமாக இறந்தார். இந்த  விபத்து குறித்து  ஸ்ரீரங்கம் போலீசார் வழக்குப் பதிவு செய்து விசாரணை நடத்தி வருகின்றனர்.