திருச்சியில் அப்போலோ மருத்துவமனை சார்பில் போலீசாருக்கான மருத்துவ முகாம்….

திருச்சி கே.கே.நகரில் உள்ள மாநகர காவல் துறை சமுதாய கூடத்தில் காவல்துறை மற்றும் அவர்களது குடும்ப உறுப்பினர்களுக்கு பரிசோதனை மற்றும் மருத்துவ ஆலோசனை முகாம் அப்போலோ மருத்துவமனை சார்பில் இன்று ( 13.07.2023 )நடந்தது. முகாமை மாநகர போலீஸ் கமிஷனர் சத்தியபிரியா தொடங்கி வைத்தார். முகாம் இன்று  முதல் 18-ம் தேதி வரை நடக்கிறது. இந்த முகாமில் டிஜிட்டல் எக்ஸ்ரே, அல்ட்ரா சவுண்ட், இதய அழுத்த சோதனை, ஆடியோ மெட்ரிக், எக்கோ, இ.சி.ஜி . பரிசோதனை, ரத்த மாதிரி சேகரிப்பு போன்ற பரிசோதனை செய்யப்படுகிறது. இந்நிகழ்வில் அப்போலோ மருத்துவ குழுமத்தின் மதுரை மண்டல தலைமை செயல் அதிகாரி நீலக்கண்ணன், மருத்துவர் சிவம், மார்க்கெட்டிங் மேலாளர் அனந்த ராமகிருஷ்ணன், ஜி.எம்.ஆப்ரேஷன் சங்கீத் மற்றும் பலர் கலந்து கொண்டனர்.