தீபாவளி பண்டிகைக்காக திருச்சி வழியாக நாகர்கோவிலுக்கு சிறப்பு ரயில்கள் இயக்கம்…!

தீபாவளி பண்டிகையை முன்னிட்டு, பயணிகளின் வசதிக்காக தெற்கு ரயில்வே 2 சிறப்பு ரயில்களை அறிவித்துள்ளது. நவம்பர் 6-ம் தேதி இரவு 11.55 மணிக்கு சென்னை தாம்பரத்தில் இருந்து புறப்படும் சிறப்பு ரயில், விழுப்புரம், மயிலாடுதுறை, தஞ்சாவூர், திருச்சி, மதுரை, திருநெல்வேலி வழியாக நவம்பர் 7-ம் தேதி பிற்பகல் 3.30 மணிக்கு நாகர்கோவிலைச் சென்றடையும். மறுமார்க்கத்தில், நவம்பர் 9-ம் தேதி இரவு 9 மணிக்கு நாகர்கோவிலில் இருந்து புறப்படும் ரயில், மறுநாள் காலை 11.30 மணிக்கு தாம்பரத்தை வந்தடையும். தீபாவளி பண்டிகையையொட்டி சொந்த ஊர்களுக்குச் செல்லும் பயணிகள் இந்தச் சிறப்பு ரயில்களைப் பயன்படுத்திக் கொள்ளலாம் என்று கேட்டுக் கொள்ளப்பட்டுள்ளது.