திருச்சி மாநகராட்சி 21-வது வார்டில் ‘உங்களுடன் ஸ்டாலின்’ திட்ட முகாம்…* தீர்வு காணப்பட்ட மனுதாரர்களுக்கு ஆணைகளை வழங்கினார் அமைச்சர் அன்பில் மகேஷ்!

திருச்சி கிழக்கு சட்டமன்றத் தொகுதிக்கு உட்பட்ட மாநகராட்சி மண்டலம்-1, வார்டு எண் 21 மேலபுலிவார் சாலையில் அமைந்துள்ள தேவர் ஹாலில் ‘உங்களுடன் ஸ்டாலின்’ திட்ட முகாம் நடைபெற்றது. நத்தர்ஷா பள்ளிவாசல், ஜீவா நகர், வள்ளுவர் நகர், கல்யாணசுந்தரம் நகர் உள்ளிட்ட பகுதிகளில் வசிக்கும் பொதுமக்கள் கலந்து கொண்டு தங்களது கோரிக்கை மனுக்களை அதிகாரிகளிடம் அளித்தனர். இதில் தீர்வு காணப்பட்ட மனுதாரர்களுக்கு பள்ளிக்கல்வித்துறை அமைச்சர் அன்பில் மகேஷ் பொய்யாமொழி அதற்கான ஆணைகளை வழங்கினார். முகாமில், கிழக்கு சட்டமன்ற உறுப்பினர் இனிகோ இருதயராஜ், கிழக்கு மாநகர திமுக செயலாளர் மற்றும் மண்டல குழு தலைவர் மு.மதிவாணன், மாவட்ட வருவாய் அலுவலர் ராஜலட்சுமி, கிழக்கு தாசில்தார் விக்னேஷ், பகுதி கழகச் செயலாளர் மோகன், வார்டு எண் 21 மாமன்ற உறுப்பினர் மும்தாஜ் பேகம், வட்ட கழகச் செயலாளர்கள் தர்கா முபாரக், ராஜா, மற்றும் கழக நிர்வாகிகள், பொதுமக்கள் கலந்து கொண்டு சிறப்பித்தனர்‌.