கரூரில் உயிரிழந்த 39 பேரின் குடும்பத்தினருக்கு தலா ரூ.20 லட்சம்- விஜய் அறிவிப்பு…!

கரூரில், வேலுசாமிபுரம் பகுதியில் தவெக தலைவர் விஜய் நேற்று( செப்.27) பிரசாரம் செய்தார். விஜய் பேசி முடித்து புறப்பட்ட பின்னர், கூட்டம் கலைந்து செல்லும்போது கூட்ட நெரிசல் ஏற்பட்டது. இதில் 50-க்கும் மேற்பட்டோர் மயக்கமடைந்தனர். அவர்கள் உடனடியாக ஆம்புலன்ஸ் மூலம் மருத்துவமனைக்கு கொண்டு செல்லப்பட்டனர். இந்த சம்பவத்தில் 8 குழந்தைகள் 16 பெண்கள் உட்பட 39 பேர் உயிரிழந்தனர்.இந்த சம்பவத்திற்கு கட்சியின் தலைவர் விஜய் இரங்கல் தெரிவித்துள்ளதுடன் இறந்தவர்களின் குடும்பத்தினருக்கு தலா ரூ.20 லட்சம் வழங்கப்படும் என்றும், காயம் அடைந்தவர்களுக்கு தலா ரூ.2 லட்சம் வழங்கப்படும் என்றும் அறிவித்துள்ளார்.