Rock Fort Times
Online News

தனித் தேர்வர்களுக்கான 8-ம் வகுப்பு பொதுத்தேர்வு:- 18-ந்தேதி தொடங்குகிறது!

தனித் தேர்வர்களுக்கான 8-ம் வகுப்பு பொதுத்தேர்வு, 18-ந்தேதி தொடங்குகிறது. இதுதொடர்பாக அரசு தேர்வுகள் இயக்ககம் வெளியிட்ட செய்திக்குறிப்பில், தனித் தேர்வர்களுக்கான 8-ம் வகுப்பு பொதுத்தேர்வு ஆக. 18-ந்தேதி முதல் 22-ந்தேதி வரை நடைபெறவுள்ளது. இத்தேர்வை எழுத தேர்வுத் துறையின் சேவை மையங்களில் ஆன்லைன் மூலமாக விண்ணப்பித்த தனித்தேர்வர்கள் www.dge.tn.gov.in என்ற இணையதளத்தின் மூலம் ஹால் டிக்கெட்டை பதிவிறக்கம் செய்து கொள்ளலாம்.
மேற்குறிப்பிட்ட இணையதளத்தில் ஹால்டிக்கெட் என்ற வாசகத்தை ‘கிளிக்’ செய்தால் ‘ஈ.எஸ்.எம்.சி. ஆகஸ்டு 2025 எக்சாமினேசன் கேன்டிடேட் ஹால்டிக்கெட் டவுன்லோடு’ என்ற தலைப்பின்கீழ் உள்ள டவுன்லோடு ஹால் டிக்கெட்’ என்ற வாசகத்தை ‘கிளிக்’ செய்து தோன்றும் பக்கத்தில் தங்களது விண்ணப்ப எண் மற்றும் பிறந்த தேதியை பதிவு செய்தால் ஹால் டிக்கெட் திரையில் தோன்றும். அதனை பதவிறக்கம் செய்து கொள்ளலாம். ஹால் டிக்கெட் இல்லாமல் எந்த ஒரு தேர்வரும் தேர்வு எழுத அனுமதிக்கப்பட மாட்டார்கள். தேர்வு எழுத விண்ணப்பித்த தனித்தேர்வர்களுக்கு ஹால் டிக்கெட் குறித்து தனிப்பட்ட முறையில் அறிவிப்பு ஏதும் அனுப்ப இயலாது என தெரிவிக்கப்படுகிறது. இவ்வாறு அதில் கூறப்பட்டுள்ளது.

Comments are closed.

Rockfort Times செய்திகளை உடனுக்குடன் அறிந்து கொள்ள வேண்டுமா? இல்லை ஆம்