திருச்சியில் 9 பவுன் நகை திருடிய பெண் கைது..!

திருச்சி, கருமண்டபம், கல்யாணசுந்தரபுரத்தை சேர்ந்தவர் சந்திரபாபு, பர்னிச்சர் கடை நடத்தி வருகிறார். இவரது மனைவி பொன்மொழி (வயது59). இவர்கள் வீட்டில் உறையூர், கல்நாயக்கன் தெருவை சேர்ந்த சத்தியா (வயது35) என்ற பெண் வீட்டுவேலை செய்து வந்தார். அப்போது 9 பவுன் மதிப்புள்ள தங்க நகைகள் பீரோவில் இருந்து திருடுபோனது தெரிந்தது. இது குறித்து கோர்ட் போலீசில் புகார் கொடுத்தனர். புகாரின் பேரில் போலீசார் வழக்கு பதிந்து விசாரணை நடத்தினர், இதில் சத்யா தங்க நகைகளை திருடியது தெரிந்தது. போலீசார் அவரை கைது செய்து சிறையில் அடைத்தனர். அவரிடமிருந்து 2.5 பவுன் மதிப்புள்ள தங்க நகைகள் பறிமுதல் செய்யப்பட்டது.