திருச்சி விமான நிலையத்தில் கிரைண்டரில் மறைத்து கடத்தி வரப்பட்ட ரூ.21 லட்சம் தங்கம் பறிமுதல்..

சிங்கப்பூரிலிருந்து தனியார் விமானம் ஒன்று திருச்சி விமான நிலையத்தை  வந்தடைந்தது. அந்த விமானத்தில் வந்த பயணிகளின் உடைமைகளை விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை மேற்கொண்டனர். அப்போது ஆண் பயணி ஒருவர் நூதன முறையில் கிரைண்டரில் மறைத்து கடத்தி வரப்பட்ட ரூ.21 லட்சத்து 27 ஆயிரத்து 672 மதிப்புள்ள 348 கிராம் தங்கத்தை அதிகாரிகள் பறிமுதல் செய்து அந்த பயணியிடம் விசாரணை நடத்தி வருகின்றனர். அதே போல் விமான நிலைய கழிவறையில் கேட்பாரற்று கிடந்த ரூ.2 லட்சத்து 99 ஆயிரத்து 586 மதிப்புள்ள 49 கிராம் தங்கத்தை பறிமுதல் செய்து அதை கழிவறையில் வீசி சென்ற நபர் யார் என்பது குறித்து விசாரணை நடத்தி வருகின்றனர்.