சென்னையில் இருந்து புறப்பட வேண்டிய 20 விமானங்கள் திடீர் ரத்து…!

சென்னை விமான நிலையத்திலிருந்து உள்நாடு மற்றும் வெளிநாடுகளுக்கு விமானங்கள் இயக்கப்பட்டு வருகின்றன. இந்நிலையில் சென்னையில் இருந்து கொல்கத்தா, பெங்களூரு, திருவனந்தபுரம், புவனேஷ்வர், சிலிகுரி உள்ளிட்ட பகுதிகளுக்கு இயக்கப்படும் 20 விமானங்கள் இரு வழித்தடங்களிலும் இன்று (20-11-2024) ரத்து செய்யப்பட்டுள்ளது. ரத்து செய்யப்பட்ட அனைத்து விமானங்களும் ஏர் இந்தியா நிறுவனத்தை சேர்ந்தவை என்று தகவல்கள் தெரிவிக்கின்றன. மேலும், ரத்து செய்யப்பட்ட விமானங்களில் பயணம் செய்ய முன்பதிவு செய்திருந்த பயணிகளுக்கு மாற்று விமானம் மூலம் பயணம் செய்ய ஏற்பாடுகள் செய்யப்படுவதாக தெரிவிக்கப்பட்டுள்ளது. பணத்தை திரும்பப் பெற விரும்புவோருக்கு திருப்பித் தரவும் முடிவு செய்யப்பட்டுள்ளது. நிர்வாக காரணங்களால் விமானங்கள் ரத்து செய்யப்பட்டுள்ளதாக கூறப்படுகிறது. ஒரே நாளில் 20 விமானங்கள் ரத்து செய்யப்பட்டுள்ளதால் அதில் பயணம் மேற்கொள்ள இருந்த பயணிகள் கடும் அவதிக்குள்ளாகியுள்ளனர்.