இரவு ரோந்து பணிக்கு செல்ல மறுத்த பெண் காவலர் பணியிட மாற்றம்…

திருச்சி மாவட்டம் மணிகண்டம் காவல் நிலையத்தில் பணியாற்றும் காவலர்களுக்கு பொறுப்பில் உள்ள சப்-இன்ஸ்பெக்டர், பணி ஒதுக்கீடு செய்வது வழக்கம். அதன்படி, இந்த காவல் நிலையத்தில் காவலராக பணியாற்றும் கலா (வயது 45) என்பவருக்கு இரவு ரோந்து பணி செல்லுமாறு சப்- இன்ஸ்பெக்டர் திருநாவுக்கரசர் பணித்தாா்.
அதற்கு கலா, இரவு ரோந்து பணிக்கு செல்ல முடியாது என கூறி சப்- இன்ஸ்பெக்டர் திருநாவுக்கரசரை திட்டியதாக கூறப்படுகிறது. இது குறித்து திருச்சி எஸ்பி. வீ. வருண்குமார் ஐபிஎஸ்  கவனத்துக்கு கொண்டு செல்லப்பட்டது. இதையடுத்து பெண் காவலர் கலாவை ஆயுதப்படைக்கு பணியிட மாற்றம் செய்து எஸ்.பி  உத்தரவிட்டுள்ளார்.